За првпат кај нас - Bubble Football

Подгответе се за многу забава и незаборавно доживување со Цевитана Bubble Football.
Нашата компанија, за првпат во Македонија, ова лето ќе организира Цевитана Bubble Football. На оваа нова и незаборавна адреналинска забава ќе се игра фудбал, а секој учесник задолжително на себе ќе носи бабл топка. 
 
Правилата во Цевитана Bubble Football се исти како и во регуларниот мал фудбал, координирани со судија. Сè што треба да направите е да создадете тим од пет играчи, да ги облечете бабл топките и слободно и забавно да се тркалате низ теренот, а притоа да бидете целосно заштитени. Бабл топката е проѕирна - костим топка на дување, изработена од 100% TPU материјал што не е токсичен и е безбеден за здравјето на оние кои играат.
 
Вашето учество во Цевитана Bubble Footbal е бесплатно со пријавување на вашиот тим на фејсбук фан страницата facebook.com/Cevitana.mk или можете да се пријавите и на лице место на настаните што ќе бидат организирани во повеќе градови во Македонија, почнувајќи од Струмица на 15-ти и 16-ти јули, 17, 18 и 19-ти јули во Дојран, 24 и 25-ти во Битола, 25-ти и 26-ти јули во Прилеп, од 30-ти јули до 9-ти август во Охрид и 29-ти и 30-ти август во Скопје. За учесниците следуваат многу изненадувања и интересни подароци.
 
Спортската забава Buuble Football е во организација на еден од најпознатите брендови на нашата компанија, Цевитана и во неа може да учествуваат фудбалски ентузијасти на возраст помеѓу 15-45 години и не потешки од 90 килограми, организирани во тимови од по пет играчи. Оваа игра не се препорачува за лица со висок крвен притисок, срцеви мани, епилепсија, како и за трудници. 
 
 

Монографија „60 години Витаминка“

Монографија „60 години Витаминка“ – публикувано сведоштво за растот на Витаминка

Брилијант Омега 3 во продажба

Брилијант Омега 3 е новото масло за јадење од Витаминка кое е достапно на продажните места.

Витаминка на Интерфуд&Дринк-Софија

Витаминка се претставува на саемот Интерфуд & Дринк во Софија