Идни фармацевти во посета кај нас

Ученици од трета година, профил - Фармацевтско лабораториски техничар при СОУ „Ѓорче Петров“ од Прилеп, како составен дел од наставната програма ја посетија Хемиската лабораторија на „Витаминка“.
 
Заменик директорот на Контролно-развојната лабораторија Олга Ристеска, ги запозна учениците со работата на лабораторијата и мерните инструменти. Учениците имаа можност да видат неколку испитувања за квалитетот на некои полупроизводи што редовно се испитуваат во лабораторијата. Ваквиот начин на контрола на полупроизводите и амбалажата за производите е многу важен за добивање на константно добар квалитет и изглед на производот.
 
Управникот на работната единица Чоколада, Силва Цветаноска, пак, ги запозна средношколците со начинот на подготовка и производство на чоколадата.
 
Идните фармацевти се почестија и со од производите на „Витаминка“, заклучувајќи дека квалитетот на нашите производи е секогаш на високо ниво. 
 
 
 
 
 

Витаминка такси во Охрид

Производите на Витаминка стигнаа поблиску до своите потрошувачи и се дел од вистинска атракција на охридските плажи. Настанот е организиран од Тамато Маркет, Супер радио во соработка со Витаминка.

Витаминка го донира вишокот храна

Преку поддршка на проектот „Македонија без отпад - Мрежа за редистрибуција на вишок храна“ , Витаминка ќе ја донира вишокот храна што не била вклучена во производниот процес.

Проект - Фабрика на знаење

Витаминка годинава беше партнер на Универзитетот ФОН во проектот Фабрика на знаeње во кој се спојуваат студентите и бизнис заедницата на едно место, во насока на реализација на поставените задачи.