Косовска делегација во „Витаминка“

Официјална делегација од Општина Грачаница, Косово, ја посети „Витаминка“. Целта на посетата беше проширување на потенцијалите за соработка меѓу компанијата која е еден од најголемите македонски производители на кондиторски производи и Општина Грачаница.
 
Делегацијата имаше можност да ги посети производните погони на компанијата и да се запознае со целосната производна палета. Оваа средба  е во насока на унапредување на соработката. Косовскиот пазар важи за еден од најголемите извозни пазари за „Витаминка“, каде брендот Стоби Флипс е еден од најбараните странски брендови.
 
Делегацијата од Косово беше предводена од заменик премиерот, Бранимир Стојановиќ, градоначалникот на Општина Грачаница, Владета Костиќ, како и неговиот заменик, Љубинко Караџиќ. Како дел од делегацијата беа и началникот на Косовскиот округ Срѓан Петковиќ, правниот застапник на Општина Грачаница Негован Шарановиќ, претставникот од приватниот сектор, Јовица Дешиќ и претставникот на компанијата во Косово „Витаминка Трејд“, Расим Мрлаку.
 

Витаминка на саемот во Шангај

Барајќи нови можности за проширување на пазарите, Витаминка своите производи ги изложи на најважното случување во прехранбената индустрија, саемот СИАЛ, во Кина.

Витаминка генерален спонзор на FMCG

Со цел да ја унапредиме нашата работа, да ги поттикнеме промените во секторот каде што работиме и оваа година сме посветени поддржувачи на четвртиот годишен самит на FMCG (Fast-moving consumer goods)

Наумоски доби признание од СКМ

Специјално признание од Стопанската Комора на Македонија за долгогодишната коморска активност доби Симон Наумоски, истакнат бизнисмен и претседател на Управниот одбор на П.И. „Витаминка“ АД Прилеп.