Крушевчани ја посетија „Витаминка“

Во рамките на годишната наставна програма, средношколци од трета година при СОУ „Наум Наумоски - Борче“ од Крушево, ја посетија П.И. „Витаминка“.
 
Крушевските средношколци се запознаа со процесот на производство на вкусните чоколада од најголемата македонска компанија за производство на кондиторски и снекс производи. При посетата на работната единица „Чоколада“ тие вкусија и дел од богатиот асортиман на чоколада, заклучувајќи дека нашите чоколада по вкусот и квалитетот стојат рамо до рамо со најголемите светски брендови на чоколада.
 
Посетата ја продолжија во Хемиската лабораторија на фабриката каде се запознаа со работата на лабораторијата, увидувајќи дека во „Витаминка“ сите суровини, полупроизводи, производи и амбалажа за производите постојано се контролираат, за да може да се задржи високиот квалитет на производите. За нивната внимателност при излагањето на шефовите и директоорот на лабораторијата, крушевските средношколци беа наградени со дегустација на поголемиот асортиман на производи од „Витаминка“.
 

Витаминка на саемот во Шангај

Барајќи нови можности за проширување на пазарите, Витаминка своите производи ги изложи на најважното случување во прехранбената индустрија, саемот СИАЛ, во Кина.

Витаминка генерален спонзор на FMCG

Со цел да ја унапредиме нашата работа, да ги поттикнеме промените во секторот каде што работиме и оваа година сме посветени поддржувачи на четвртиот годишен самит на FMCG (Fast-moving consumer goods)

Наумоски доби признание од СКМ

Специјално признание од Стопанската Комора на Македонија за долгогодишната коморска активност доби Симон Наумоски, истакнат бизнисмен и претседател на Управниот одбор на П.И. „Витаминка“ АД Прилеп.