Наградата 3ти Ноември за С.Наумоски

Претседателот на Одбор на директори на П.И. „Витаминка“ А.Д. Прилеп Симон Наумоски е добитник на годинашната 3-то Ноемвриска награда за животно дело што секоја година ја доделува Советот на Општина Прилеп. Оваа награда на Наумоски му се додели како општествено одговорна личност и креатор на брендот на прехранбената индустрија „Витаминка“, препознатлив како на домашниот, така и на странските пазари.

Симон Наумоски во „Витаминка“ доаѓа во далечната 1974 година кога фабриката се наоѓа во тешка економска и финансиска состојба, нарушени меѓучовечки односи и слаб пазар. Со упорна работа и помош од соработниците, од 1975 година Наумоски почнува да воведува нови производи и да бара нови пазари за „Витаминка“ на бившите југословенски простори. Развојот на оваа организација го следи и денес како Претседател на Одборот на директори.

Добитник е на повеќе признанија и награди, меѓу кои: Менаџер на годината добиена во 1995 година, Награда за животно дело 11 Октомври добиена во 1999 година и Награда од Македонската Православна Црква.

Последната 3-то Ноемвриска награда има посебно значење за Наумоски, затоа што ја добива од својот град и своите сограѓани, каде работи целиот животен век.

 

Брилијант Омега 3 во продажба

Брилијант Омега 3 е новото масло за јадење од Витаминка кое е достапно на продажните места.

Витаминка на Интерфуд&Дринк-Софија

Витаминка се претставува на саемот Интерфуд & Дринк во Софија

Витаминка со поддршка за „Преспав“

Поддршката од Витаминка за хумористичната серија Преспав продолжува и во третата сезона со вклучување на маслото за јадење Брилијант.