Нѐ посетија идните нутриционисти

Како општествено одговорна компанија „Витаминка“ е секогаш подготвена да излезе во пресрет на барањата на граѓаните, особено на младите кои сакаат да учат од нашите искуства. Така, група ученици од трета година од профилот Техничар Нутриционист од Хемиско - технолошката струка при СОУ „Орде Чопела“ - Прилеп ја посетија нашата фабрика со цел во рамките на својата практична настава да се запознаат со постапките и технолошките процеси за добивање кондиторски производи, како и следење анализа во нашата Хемиската лабораторија.
 
Шефот на Хемиската лабораторија Олга Ристеска, ги запозна средношколците, идни нутриционисти и нивните професори со работата на лабораторијата и мерните инструменти. Беа направени неколку испитувања за квалитетот на некои суровини, а учениците беа запознати и со дел од правилата на испитување на суровините, полупроизводите и амбалажата, како и со фактот дека во Витаминка не е дозволено да се згреши и на потрошувачот на пазарот да му се понуди неквалитетен производ. 
 
Ана Кироваков, технолог истражувач ги запознаа учениците со технологијата на правење чоколада и составот на чоколадото.
Учениците пробаа и дел од широката палета производи на „Витаминка“, уверувајќи се уште еднаш во нивниот квалитет и добар вкус.
 
 
 
 
 
 
 
 
 
 

Витаминка на саем во Москва

Витаминка го изложува целокупниот свој производствен асортиман на најголемата специјализирана саемска манифестација за прехранбена индустрија Worldfood Москва 2018.

Наумоски почесен претседател

Претседателот на Одборот на директори на Витаминка Симон Наумоски е назначен за почесен претседател на УО на регионална канцеларија на Стопанската комора во Прилеп.

Финансиска помош за херојот Марко

Витаминка АД Прилеп издвои финансиска помош за подобри резултати на 12 годишниот Марко Пејчиновски кој го преплива Охридско езеро.