Витаминка донираше пакетчиња

„Витаминка“ донираше новогодишни пакетчиња во Дневниот центар за лица со церебрална парализа во Скопје, со цел да ги развесели дечињата од оваа установа и да им ги направи поубави новогодишните празници.

 
При посетата која традиционално ја организира Црвениот крст на Република Македонија за Василица, учествуваше и македонската поп пејачка Елена Ристеска. Во добро расположение и дружба, пејачката им ги подели донираните пакетчиња на дечињата и ја продолжи забавата пеејќи македонски песни заедно со нив. 
 
Празничните денови секогаш се во духот на дарувањето и хуманоста, денови кога се споделува љубов и внимание. Токму затоа, Витаминка“ одлучи да се приклучи на оваа акција, како и на многу други за време на новогодишните празници, со цел да придонесе кон зголемување на среќата и радоста кај педесетината дечиња од Центарот.
 
Ваквите манифестации се од огромно значење за овие деца, па затоа мисијата на „Витаминка“ и оваа година е во поглед на хуманоста. Хуманите дела на компанијата, ја потврдуваат нејзината општествена одговорност. 
 
 
 
 

Витаминка на Интерфуд&Дринк-Софија

Витаминка се претставува на саемот Интерфуд & Дринк во Софија

Витаминка со поддршка за „Преспав“

Поддршката од Витаминка за хумористичната серија Преспав продолжува и во третата сезона со вклучување на маслото за јадење Брилијант.

Витаминка на саемот СИАЛ во Париз

Македонската компанија Витаминка е дел од најголемиот светски саем за храна СИАЛ Париз 2018.