Прилепски студенти во Витаминка

Група студенти од Економскиот Факултет во Прилеп кои го слушаат предметот Бизнис логистика, ја посетија „Витаминка“ заедно со предметниот наставник проф. д-р Марика Башеска Ѓорѓиеска. Студентите, со работата на компанијата и производниот асортиман ги запозна Душица Неделкоска, одговорно лице за маркетинг во друштвото.  
 
Во оваа компанија за прехранбена индустрија, студентите имаа можност практично да се запознаат со она што го учат теоретски на Факултетот. Комерцијалниот директор на „Витаминка“ Владимир Трпаноски, пак, ги запозна студентите со логистичките активности на компанијата.
 
Групата студенти ги посети магацините на „Витаминка“ за амбалажа, суровина и готов производ, каде имаше можност да ги забележи движењата на материјалите и производите во компанијата. Исто така, тие се запознаа и со начинот на транспорт, допрема, складирање и отпрема на производите.
 
Оваа кратка, студентска посета на „Витаминка“, ја збогати практичната настава на студентите, а воедно им овозможи и да ја согледаат големата професионална организираност на Логистиката во компанијата.
 
 
 

Витаминка на саемот во Шангај

Барајќи нови можности за проширување на пазарите, Витаминка своите производи ги изложи на најважното случување во прехранбената индустрија, саемот СИАЛ, во Кина.

Витаминка генерален спонзор на FMCG

Со цел да ја унапредиме нашата работа, да ги поттикнеме промените во секторот каде што работиме и оваа година сме посветени поддржувачи на четвртиот годишен самит на FMCG (Fast-moving consumer goods)

Наумоски доби признание од СКМ

Специјално признание од Стопанската Комора на Македонија за долгогодишната коморска активност доби Симон Наумоски, истакнат бизнисмен и претседател на Управниот одбор на П.И. „Витаминка“ АД Прилеп.