Витаминка на саем за храна во Солун

Целосната производна програма на Витаминка, кекси, чоколадна програма, флипсови, пудинзи и додатоци за храна беа изложени на Меѓународниот саем за храна Артозима, во Солун. Значењето на овој саем лежи во неговата цел – да одговори на растечката потреба од воспоставување на канали за соработка меѓу компаниите од соседните земји низ целиот Балкан.

 

Иако Витаминка како производител на широко портфолио е веќе позната и присутна во соседна Грција и голем дел од балканските земји, сепак учеството на саемот ни понуди и отвори уште многу можности за зголемување на нашите пазари и широка распространетост на нашите производи. Овој саем е еден од ретките кои покрај производителите излагачи, по принципот на претходно договорени состаноци и презентации, го обезбедува присуството и на стотици трговци и сопственици на малопродажни ланци скоро од цела Европа, па дури и од Кина и Кореа. Тоа се непроценливи деловни контакти и бизнис соработка за сите компании присутни на Артозима“, изјави Љупчо Велески, директор на секторот за извоз на Витаминка, која за прв пат годинава учествува на овој саем.

 
 
Артозима саемот оваа година се одржа првпат по пауза од шест години и неговото враќање е токму одговор на потребата на балканските компании за поврзување и развивање на соработка со компании од централно - европските земји. Во прилог на тоа, саемот беше дополнет со многу содржини организирани во соработка со значајни меѓународни организации со цел привлекување на посетители надвор од Грција, градење партнерство и деловни контакти

Витаминка такси во Охрид

Производите на Витаминка стигнаа поблиску до своите потрошувачи и се дел од вистинска атракција на охридските плажи. Настанот е организиран од Тамато Маркет, Супер радио во соработка со Витаминка.

Витаминка го донира вишокот храна

Преку поддршка на проектот „Македонија без отпад - Мрежа за редистрибуција на вишок храна“ , Витаминка ќе ја донира вишокот храна што не била вклучена во производниот процес.

Проект - Фабрика на знаење

Витаминка годинава беше партнер на Универзитетот ФОН во проектот Фабрика на знаeње во кој се спојуваат студентите и бизнис заедницата на едно место, во насока на реализација на поставените задачи.