Соработка за големи задоволства

Во Витаминка воспоставивме редовна практика којашто полека станува и традиција, да ја поддржуваме македонската музика и нашите музичари затоа што веруваме дека музиката содржи и пренесува вистински вредности. Овој пат воспоставивме соработка со нашиот еминентен поп музичар и кантавтор, Владо Јаневски. 
 
Преку оваа соработка ќе се промовираат најдобрите македонски производи, а воедно се поддржува македонски поп музичар и македонската авторска музика во целост. Спојувањето на двата силни македонски бренда во различни сегменти ќе придонесе за нивно зацврстување и позиционирање како на домашниот така и на странските пазари.
 
Пријателството меѓу двата бренда започна со извонредната забава што Владо ни ја овозможи на нашата семејна прослава по повод 60 години постоење и успешна работа на Витаминка, а продолжи со конкретен производ, промоција на новиот спот на Владо Јаневски за песната „Ајде води ме“.
 
На промоцијата што се одржа пред голем број новинари, Владо изјави „името Витаминка значи вредност, традиција и искрен поддржувач и промотор на современата поп музика. Затоа чест и задоволство е да се застане покрај нешто што е успех веќе 60 години и што е длабоко присутно во нашите секојдневни животи. Од таа причина, покрај тоа што во оваа соработка влегувам со верба, истата има и емотивно значење за мене и мојата работа како музичар.“
 
Текстот за песната „Ајде води ме“ е авторство на Владо Јаневски, музиката ја напиша Момчило Бајагиќ, снимател и продуцент е Валентино Скендеровски, а аранжманот е на Никша Братош. Се снимаше во загребското студио NB и Enterprise во Скопје. Модел во видео записот, кој се снимаше на локации низ Скопје е Ана Коцева и е во продукција на Томато.

 
Пријателството што започна ќе продолжи и во следниот период и ветува уште многу дополнителни и интересни активности и изненадувања. Искрено веруваме дека и овој пат влегуваме во една долгорочна соработка што ќе вроди со големи задоволства за сите наши потрошувачи.

Витаминка такси во Охрид

Производите на Витаминка стигнаа поблиску до своите потрошувачи и се дел од вистинска атракција на охридските плажи. Настанот е организиран од Тамато Маркет, Супер радио во соработка со Витаминка.

Витаминка го донира вишокот храна

Преку поддршка на проектот „Македонија без отпад - Мрежа за редистрибуција на вишок храна“ , Витаминка ќе ја донира вишокот храна што не била вклучена во производниот процес.

Проект - Фабрика на знаење

Витаминка годинава беше партнер на Универзитетот ФОН во проектот Фабрика на знаeње во кој се спојуваат студентите и бизнис заедницата на едно место, во насока на реализација на поставените задачи.