Студенти ја посетија Витаминка

Во рамките на реализирање на наставата по предметот Глобални снабдувачки синџири, група студенти од четврта година на Економскиот факултет во Прилеп, заедно со предметниот професор д-р Анета Ристеска ја посетија „Витаминка“. Студентите имаа одлична можност практично да се запознаат со дел од активностите на синџирите на снабдување на производите коишто ги нуди нашата компанија. Синџирот на снабдување како систем чии составни делови се: материјали, производствени објекти, дистрибутивни служби и корисници поврзани заедно преку текот на материјали и повратниот тек на информации е доста сложена проблематика. За совладување на теоријата, неопходни се и практични искуства.  
 
 
Студентите ги посетија складишните простории за  суровини и материјали, амбалажа и готови производи. Комерцијалниот директор на „Витаминка“, Владимир Трпаноски  ги запозна со методите на складирање, видовите на складишта, како и со видовите на транспорт, движењето на материјалите, начинот на допрема и отпрема на производите. Студентите беа пријатно изненадени од професионализмот на вработените во фабриката, истакнувајќи дека оваа посета значително придонесе за збогатување на нивната  практичната настава.

Витаминка генерален спонзор на FMCG

Со цел да ја унапредиме нашата работа, да ги поттикнеме промените во секторот каде што работиме и оваа година сме посветени поддржувачи на четвртиот годишен самит на FMCG (Fast-moving consumer goods)

Започна производството на Брилијант

Витаминка, по преземањето на штипски Брилијант го рестартира производството на познатиот бренд. За таа цел, во погоните во Штип повторно се ангажирани околу 70 поранешни вработени.

Стоби флипс 40 години насекаде

Стоби флипс слави 40 години, брендот којшто во 1978 година за првпат беше произведен во прилепската компанија Витаминка.