Витаминка повторно Superbrands

superbrands2 СООПШТЕНИЕ

Производите на Витаминка повторно со ознака Superbrands

„Цевитана“ и „Витанез“, познатите брендови на прехранбената компанија Витаминка од Прилеп се прогласени за Superbrands за 2011/2012 година. Ова признание ги верифицира напорите на менаџментот на Витаминка, да произведува квалитетни производи, по достапна цена, а истовремено ги вброи овие производи во групата на брендови од оваа фабрика кои досега веќе се закитија со ознаката Superbrands.
„Прогласувањето на Цевитана и Витанез за Superbrands е доказ дека нашето повеќегодишно вложување во производството и технологијата има позитивен ефект и е единствен начин да се добие квалитетен производ. Тоа што потрошувачите ги препознаваат и избираат токму нашите производи е доволна награда за нас, а признанието Superbrands, само ја заокружува приказната за Витаминка, како фабрика која прави производи со одличен квалитет, препознатливи и барани на пазарот“, вели Владимир Трпаноски, комерцијален директор на Витаминка.
„Витанез“ е мајонез кој годинава слави 20 години постоење на пазарот. Две децениското егзистирање докажува дека се работи за производ кој е со одличен квалитет, вкусен, а се користи како составен дел на салати или како додаток на главни јадења.
„Цевитана“ е енергетски пијалок, кој е и официјален пијалок на Македонската кошаркарска репрезентација. Тоа е инстант прашок за подготовка на освежителен витамински напиток со 9 витамини . Цевитана се подговува брзо и едноставно, ги задоволува потребите и го надополнува дефицитот од витамини во дневната исхрана.

Витаминка на Интерфуд&Дринк-Софија

Витаминка се претставува на саемот Интерфуд & Дринк во Софија

Витаминка со поддршка за „Преспав“

Поддршката од Витаминка за хумористичната серија Преспав продолжува и во третата сезона со вклучување на маслото за јадење Брилијант.

Витаминка на саемот СИАЛ во Париз

Македонската компанија Витаминка е дел од најголемиот светски саем за храна СИАЛ Париз 2018.