Ученици во посета на Витаминка

Група ученици од трета година од профилот Фармацевтско лабораториски техничар при СОУ „Ѓорче Петров“ од Прилеп, како составен дел од наставната програма ја посетија Хемиската лабораторија на П.И. „Витаминка“ А.Д. Директорот на контролно-развојна лабораторија Натали Петреска, ги запозна учениците со работата на лабораторијата и мерните инструменти.

Учениците имаа можност да видат неколку испитувања за квалитетот на некои суровини кои редовно се испитуваат во лабораторијата. Беше истакнато и тоа дека ваквиот начин на контрола на суровините, полупроизводите и амбалажата за производите е многу важен за добивање на стандарден и висок квалитет на производот.
 

Учениците пробаа и дел од производите на „Витаминка“, заклучувајќи дека квалитетот на нашите производи е на високо ниво. 

 
 
 

Витаминка на саемот во Шангај

Барајќи нови можности за проширување на пазарите, Витаминка своите производи ги изложи на најважното случување во прехранбената индустрија, саемот СИАЛ, во Кина.

Витаминка генерален спонзор на FMCG

Со цел да ја унапредиме нашата работа, да ги поттикнеме промените во секторот каде што работиме и оваа година сме посветени поддржувачи на четвртиот годишен самит на FMCG (Fast-moving consumer goods)

Наумоски доби признание од СКМ

Специјално признание од Стопанската Комора на Македонија за долгогодишната коморска активност доби Симон Наумоски, истакнат бизнисмен и претседател на Управниот одбор на П.И. „Витаминка“ АД Прилеп.