Витаминка на Gulfood 2015

               „Витаминка“ беше дел од 20-то јубилејно издание на Gulfood, што се одржа од 8 до 12 февруари годинава во Дубаи - најголемиот светски трговски центар, спој на Европската култура и ориенталниот вкус.

 
                 На најголемиот светски саем за храна и угостителство на годишно ниво, на кој годинава се претставија околу 4000 компании изложувачи од преку 120 земји, „Витаминка“ по трет пат успешно ги презентираше својата вредност и реноме. Фактот дека настапот на настан како што е Gulfood е од круцијално значење за изложувачите, е поддржан од интегритетот на самиот саем, кој несомнено, на учесниците им обезбедува патека до светските пазари и размена на know-how. За посетителите, саемот креира можност за посета на неверојатна изложба на иновација и современ тренд на храна, како и селекција на најдобрите производи ширум светот.
 
               Квалитетот и атрактивниот дизајн на широката палета производи на „Витаминка“ го привлекоа вниманието на преку 250 посетители. Претставници на најразлични бизнис формати од производно-услужниот сектор за прехрана, меѓу кои, синџири на супермаркети, директни увозници, дистрибутери, агенти, производители на репроматеријали, компании од секторот на пакување производи, како и производители на најразлични современи машини, пројавија интерес за потенцијална соработка.
 
               Предводени од Генералниот извршен директор Сашо Наумоски, пред глобаниот аудиториум „Витаминка“ успешно ја претставија: Љупчо Велески, директор на секторот Извоз, Расим Мрлаку, менаџер на „Vitaminka Trade“ од Косово, Васко Јанески шеф во сектор Извоз и Давид Велески, подрачен шеф во сектор Извоз.
 
               Најголем интерес кај посетителите предизвика богатиот програм на кексите, особено „Карамел бисквит" и вкусовите на интегралниот кекс „Деспина", снек производите како автентичниот „Стоби Флипс" и асортиманот на „Бонитас", следени од  оригиналниот „Чоко Стоби Флипс" и чоколадираните производи, чоколадните морски школки „Атлантис" и квалитетот на „Цевитана“. Иновативниот производ „Чоко ориз“, пак, особено ги воодушеви посетителите од Блискиот Исток, Африка и Европа.
 
               И при овој саемски настап се потврди фактот дека преку континуирани вложувања во истражување и развој на асортиманот и квалитетот на производите, на „Витаминка“ ѝ се олеснува патот до глобалниот пазар, притоа креирајќи конкурентна понуда за задоволување на сé пософистицираните барања од страна на потрошувачите.
 
               Во рамките на саемската манифестација, штандот на „Витаминка“ беше посетен и од Амбасадорот на Република Македонија во Обединетите Арапски Емирати Саше Ташевски, од кого беше дадана безусловна поддршка за промоција на „Витаминка“.
 
               Без конкуренција, манифестација како Gulfood, на „Витаминка“ и дава можност за неверојатен поврат на инвестициите преку низа потенцијални соработки на глабално ниво. 
 
 

Витаминка на Интерфуд 2017

Меѓународниот саем за храна, пијалаци, амбалажи и производствени апарати во Софија е еден од најпрестижните настани во прехранбената индустрија од Југоисточна Европа

Витаминка на саемот Ануга 2017

Со непосредна презентација на квалитетот, производите на Витаминка се претставија на најголемиот саем за храна и пијалаци, Ануга 2017 којшто се одржува во Келн, Германија.

Розов атлантис за Розевата прошетка

Со последната наша поддршка на неприкосновената иницијатива поттикната од Здружението Борка, уште еднаш ја манифестираме филантропската филозофија што е во основата на Витаминка како компанија.