Витаминка на Интерфуд 2017

Меѓународниот саем за храна, пијалаци, амбалажи и производствени апарати што се одржува секоја година по 16ти пат, во Софија е еден од најпрестижните настани во прехранбената индустрија од Југоисточна Европа. Витаминка секоја година е присутна на овој саем и досегашното искуство ги потврдува предностите и бенефитите од присуството. Преку својата фирма во Бугарија, Витаминка веќе долго работи на афирмација на своите производи на локалниот пазар.

 

Секое учество на Интерфуд со инкорпорираните презентации, семинари, конференции, деловни состаноци претставува своевидна бизнис платформа за компанијата во годината што следи. Овој саем во својот фокус ги има комуникацијата и соработката меѓу компаниите од сите земји, деловните и трговските делегации, подизведувачи како и колективни странски учества и точно тоа во досегашното наше искуство придонело за конкретни чекори и конкретни резултати од претставувањето тука. Веруваме дека и оваа година на Интерфуд ќе создадеме нови деловни и развојни можности за Витаминка“, изјави Љупчо Велески, директор на сектор Извоз во Витаминка.

 

Покрај потенцијалните нови пазари и пласмани, Витаминка со претставувањето на своите производи ќе ја зацврсти позицијата на бугарскиот пазар каде Чоко Стоби флипс, Атлантис, Бонитас, Кукис, Деспина, Весели јајца, Фрути и останатите производи на овој наш најголем кондиторски производител се веќе познати брендови и висококвалитетни производи.

Стоби флипс во роденденско пакувaње

Со издавање на специјалното роденденско пакување на Стоби флипс продолжуваат активностите на Витаминка за одбележување на 40 години откако првпат е произведен најпопуларниот македонски бренд.

Витаминка на саемот во Шангај

Барајќи нови можности за проширување на пазарите, Витаминка своите производи ги изложи на најважното случување во прехранбената индустрија, саемот СИАЛ, во Кина.

Витаминка генерален спонзор на FMCG

Со цел да ја унапредиме нашата работа, да ги поттикнеме промените во секторот каде што работиме и оваа година сме посветени поддржувачи на четвртиот годишен самит на FMCG (Fast-moving consumer goods)