Витаминка на Интерфуд во Бугарија

Чоко Стоби флипс, Стоби Флипс, Атлантис, Деспина и останатите производи на Витаминка, беа претставени на саемот Интерфуд, во Софија, Бугарија. Витаминка на овој саем изложува традиционално. Изложувањето на Интерфуд 2016 е уште едно успешно претставување на целосниот асортиман на компанијата, пред странски потрошувачи и потенцијални партнери.
 
Интерфуд е најголемата манифестација за прехранбена индустрија во Бугарија и еден од најпрестижните настани во секторот од Југоисточна Европа. 
 
„Овој саем е еден од позначајните во нашето окружување, а со самиот факт што производите на Витаминка се присутни и во соседна Бугарија, многу беше важно, не само да бидеме присутни на саемот, туку и добро да се претставиме. Имавме одлична промоција, голем број од посетителите реагираа уште на нашето лого и ги бараа нашите производи, што говори за тоа дека добро се запознаени со целиот наш асортиман, а исто така воспоставивме и многу нови контакти и релации“, изјави Љупчо Велески, директор на сектор Извоз во Витаминка. 
 
Учеството на саемот Интерфуд бележи растечки тренд секоја година, така што покрај традиционалните изложувачи, со сопствените новитети, се почесто тука се и новите играчи на пазарот. Второто значење на овој саем е тоа што има зголемено меѓународно присуство на настанот и овозможуваат создавање на деловни релации, споделување искуство и позитивни бизнис практики, како и изнаоѓање на нови партнери и пазари. Самиот саем организира и дополнителни активности, групни форуми како и индивидуални состаноци и презентации.
 

Проект - Фабрика на знаење

Витаминка годинава беше партнер на Универзитетот ФОН во проектот Фабрика на знаeње во кој се спојуваат студентите и бизнис заедницата на едно место, во насока на реализација на поставените задачи.

Владо Јаневски со нов спот

Најновата песна на нашата музичка легенда Владо Јаневски, „Главен град на тагата“, доби и видео запис кој претставува уште еден резултат на соработката меѓу Витаминка и Јаневски.

Стоби флипс во роденденско пакувaње

Со издавање на специјалното роденденско пакување на Стоби флипс продолжуваат активностите на Витаминка за одбележување на 40 години откако првпат е произведен најпопуларниот македонски бренд.